Нұр-Сұлтан
Қазір
8
Ертең
4
USD
427
+0.13
EUR
497
+0.15
RUB
5.5
-0.03

“Жыныстық қатынас келісіммен болды.” Жібек Мусинованы зорлады дегендер осылай деуде (видео)

223

Соған қарамастан олар енді 11 жылға сотталуы мүмкін. Себебі, сотта прокурорлар төртеуіне де осындай ауыр жаза кесуді сұрады.

Сот процесі аяқталуға жақындаған соң көптің көзінен тасада жүрген күдіктілердің туыстары да тыпырши бастады. Себебі, ұлдарының ұзақ мерзімге сотталып кетуінен қауіптенген ата-аналар тергеу қорытындысына көңіліміз толмайды дейді. Өйткені жәбірленуші Жібек Мусинованы төрт жігіттің топтасып зорлағаны қисынға келмейді деп отыр. Яғни ұсталғандардың бірі қыздың келісімімен жыныстық қатынасқа түскен екен. Сондықтан істің қайта тергелуін талап етуде.

Айыпталушылар Алмас Ермеков, Асхат Бектұрсын, Ербол Ермеков және Нұрбол Алтай. Оларға қатарынан төрт бап бойынша айып тағылып отыр: адам ұрлау, жыныстық мәнжегі зорлық көрсету және бұзақылық. Жібек әр сот тыңдалымына қасына бір топ адам ертіп келеді. Ал күдіктілердің туыстары болса тағылған айыптармен келіспей отыр.

“Олар сол күні кеште бірге отырып, арақ ішкен. Ал ортасындағы бір жігітпен өзінің келісімімен жыныстық қатынасқа түсіпті. Енді неге қылмыс деп аттандайды”, – дейді айыпталушының әпкесі Толқын Шорманова.

Күдіктілердің туыстарының ойынша Жібектің анасы ақша табу үшін осындай дау тудырып отыр. Ол барлық жігіттердің жақсы табысы бар отбасынан шыққанын пайдаланып кетпекші дейді.

“Тіпті сараптаманың өзі барлық жігіттердің таза екенін көрсетіп берді. Көліктен де еш айғақ таппады. Енді қалайша көлік ішінде зорлады деп растай салады. Әрі олар төртеу болса”, – дейді айыпталушының туысы Роман Амантаев.

“Бір адамның өтірік айтқаны үшін соттай ма? Мен қазір барып мені зорлады деп кез-келген адамды көрсетем соны соттай ма?”, – дейді Толқын Шорманова.

Жібек Мусинованың зорланғанын жұртқа жайған оның анасы болатын. Гүлбадар Мусинова отыз жастағы қызының аяусыз зорланғанын айтып әлеуметтік желіде видеоүндеу жариялаған. Осыдан кейін іс қоғамдық дау тудырып, артынша төрт жігіт қамауға алынды. Содан бері үш ай өтсе де, айыпталушылардың туыстары тыныштық берер емес дейді жәбірленуші.

“Мен қазір қатты қорқамын. Себебі зорлықшыларды қолдап жүрген жігіттер маған қоқан-лоққы көрсетуде. Егер төртеуі сотталып кетсе көресені көрсетеміз деді. Сондықтан өзім ғана емес отбасым үшін де алаңдаймын”, – деді Жібек Мусинова.

Осындай қорқытып-үркітулерден кейін жәбірленушілер сотқа жалғыз келуден қорқып қалыпты. Сондықтан Жібек Мусинованың жақтастары процесске плакат ұстап келген. Зорлық-зомбылыққа жол жоқ деп ұрандатқан жастар Жібектің басындағы жағдайдың қайталанбауын талап етуде.

Ал айыпталушы төрт азаматтың тағдыры келесі аптада шешіледі. Прокурор олардың әрқайсысын 11 жылға соттауды сұрады. Енді судьяның қандай үкім шығаратыны 15-ші қарашада белгілі болмақ.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз