Жыл басынан бері зейнетақы жинақтарының таза инвестициялық табысы 92,2 млрд теңгені құрады

Биылғы жылдың 1-мамырдағы жағдай бойынша зейнетақы жинақтарының жалпы сомасы 6,93 трлн теңге болды. Демек, өткен жылғы көрсеткішпен салыстырғанда 240 млрд теңгеге өсті.

Жыл басынан бергі 4 ай ішінде зейнетақы жинақтарының таза инвестициялық табысы 92,2 млрд теңгені құрады деп хабарлады Бірыңғай жинақтаушы зейнетақы қорының баспасөз қызметі.

БЖЗҚ келтірген дерекке сүйенсек, 2017 жылдың 1-мамырда салымшылар ашқан жеке зейнетақы шоттарының саны 10,05 млн болды, оның ішінде міндетті зейнетақы жарна аударушылар 9,58 млн болды. Атап айтқанда, міндетті кәсіптік зейнетақы жарналары бойынша салымшылар саны – 428 мың, ал ерікті зейнетақы жарна аударушылар – 39 мың.