Журналисті түрмеге жапқалы жатыр
Бішкектің Октябрь аудандық сотында журналист Дайырбек Орунбековке қатысты іс қаралып жатыр. Ол соттың президент Алмазбек Атамбаевқа моральдық өтемақы ретінде екі миллион сом төлеу керек деген шешімін орындамағаны үшін айыпталып жатыр.
Журналистің қорғаушысының сөздерінше, мемлекеттік айыптаушы Орунбековті екі жылға түрмеге кесуді сұрауы мүмкін.
Еске сала кетейік, Орунбеков моральдық өтемақы ретінде қырғыз президентіне екі миллион сом төлеуге тиіс. 2015 жылдың 29 маусымында Аламүдүн аудандық соты осындай шешім шығарған. 2015 жылдың 3 қыркүйегінде Шу облыстық соты шешімнің күшін сол күйінде қалдырған.
Журналистке қарсы шағымды Бас прокурор Индира Жолдубаева берген. Ол журналисті “президент Алмазбек Атамбаев және уақытша үкіметтің әрекеттері 2010 жылғы маусым оқиғасына алып келді” деген сөздері үшін айыптайды.
2016 жылдың тамыз айында Дайырбек Орунбековке қатысты сот шешімін орындамады деп қылмыстық іс қозғалды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз