Кеше Қазақстан Республикасының еңбек сіңірген қайраткері Ержұман Смайыл қайтыс болды.
Бұл туралы Вaq.kz хабарлады.
«27 ақпанда Қазақстанның еңбек сіңірген қайраткері, ҚР Президенті премиясының ең алғашқы лауреаты, «Егемен Қазақстан» газетінің бұрынғы басшысы, еліміздің көрнекті журналисі Ержұман Смайыл өмірден озды», – деп хабарлады Бас редакторлар клубында.
Ержұман Смайыл еңбек жолын «Социалистік Қазақстан» (қазіргі «Егемен Қазақстан») газетінің тілшісі болып бастаған. 2003-2010 жылдар аралығында «Егемен Қазақстан» республикалық газеті» АҚ президенті, вице-президенті болды. Қазақ ССР Жоғарғы кеңесінің Құрмет грамотасымен марапатталған.
Белгілі журналиспен қоштасу рәсімі Алматы облысында өтеді.
365 info.kz ұжымы марқұмның туған-туысқандарына қайғысына ортақтасып көңіл айтады.