Жол талғамайтын көлікті ұрлаған азамат полицейлерден қашып құтылуға тырысты
Әлеуметтік желі мен мессенджерлердің пайдаланушылары Маңғыстауда жол талғамайтын көлікті ұрлаған адамның ізіне түскен полиция қызметкерлерінен қашып құтылмақ болған сәтінің видеосын жариялады. Видеоның Бейнеу ауылында түсірілгені белгілі болды.
Видео кадрынан жоғары жылдамдықта жүйіткіп, құқық қорғау органы қызметкерлерінен жасырынуға тырысқан Lexus LX570 көруге болады. Жол талғамайтын көліктің артқы дөңгелегі жарылды, бірақ бұл көлігінің ішіндегі азаматқа кедергі болмады. Оның артынан бес патрульдік көліктің бағанасы жүрді.
Полицейлердің ақпараты бойынша, 19 қараша күні сағат 12:07-де Маңғыстау облысы Бейнеу аудандық полиция бөлімінің «102» кезекші пультіне Lexus жанармай құю станциясынан ұрланғаны туралы қоңырау түскен. Бейнеу аудандық полиция бөлімі ұрланған автокөлікті іздеуге жеке құрамды бағыттады.
— Күдікті ұсталып, полиция бөліміне жеткізілді. Қазіргі уақытта тергеу амалдары жүргізілуде, — деп хабарлады облыстық полиция департаментінің баспасөз қызметі.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз