Жоғары сот ғимараты мен вокзалға жарылғыш зат қойылғаны туралы хабарланды
Астанада Жоғарғы соты мен «Нұрлы жол» жаңа теміржол вокзалы ғимараттарына қойылған бомба туралы қоңырау түсіп, адамдар эвакуацияланды.
Бұл туралы ҚазАқпарат хабарлады.
«12 сағат 16 минутта белгісіз адам хабарласып, «Нұрлы жол» теміржол вокзалына жарылғыш зат қойылғанын айтты. Дәл сондай қоңырау 12 сағат 30 минутта қайталанып, Жоғарғы сот ғимаратында жарылғыш зат бар екенін хабарлаған. 13 сағат 30 минутта белгісіз адам «Назарбаев Университетіне» бомба бар деп хабарласты», – деп түсіндірді Астана ІІД баспасөз қызметі.
«Полицейлердің жедел әрекет етуі арқылы күдіктінің 25 жастағы ер адам екені анықталып, ұсталды. ҚР Қылмыстық Кодексінің 273-бабы бойынша сотқа дейінгі тергеу амалдары жүріп жатыр. Бұл бап қылмыскерді 6 жылға дейін бас бостандығынан айыруды көздейді», – дейді ІІД өкілі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе