Жігіті алғашқы кездесуде зорламақ болған қыз интернет арқылы таныспауға кеңес берді

«Құрбыларымның интернет арқылы отбасын құрып жатқанын жиі естимін. Мен де өзімнің бағымды сынап көргім келеді. Интернетке тіркеліп, бір жігітпен таныстым. Жігіт суретте өте сымбатты, салмақты көрінді. Жазған әңгімелері де тәуір. 10-15 күндей осылай интернет арқылы араласып жүрдік. Кейін мені киноға шақырып, екеуіміз кездестік. Дәмханада тамақ іштік. Үйге қайтпас бұрын түнгі қаланы аралауды ұсынды. Ол кезде 26 жаста едім. Бір уақытта мені қаланың сыртына қарай алып кетіп, тиісе бастады.

Әйтеуір дегенде қашып кеттім. Өзі ішімдік ішпеген еді. Оған сол сәтте әлсіздігімді көрсетсем, жағдай ушығып кететін еді. Мен барынша өзімді қолға алуға тырыстым. Қазір ешкімге сенбеймін. Қыздарға интернет арқылы таныспауға кеңес бергім келеді. Кейін кешірім сұрап хабарласты. Оны барлық жерде бұғаттап тастадым. Осылайша ол мені сол түні зорлап қоймақ болды. Аты-жөнін жақсы білемін. Бірақ, еш жерге арызданбадым. Өйткені, барлық кезде қыз кінәлі. Жігіттер танысу сайттарында жеңілтек қыздар отырады деп ойлайды», – дейді Айсәуле ханым.