Жезқазғанда автобус түгі қалмай өртеніп кетті. Зардап шеккен ер адамдар қатты күйіп қалған. Олар жергілікті ауруханаға жеткізілді.
Куәгерлердің айтуынша, автобус кешкі уақытта аурухана кешенінің ауданында өртенген. “ПАЗ” маркалы автобустың өртенгені туралы мәлімет өрт сөндіру қызметінің кезекші бөліміне 19:19-да түскен. Өрт болған уақытта қоғамдық көліктің ішінде жолаушылар болмаған. Өрт салдарынан күйіп қалған 1995 жылғы жүргізуші мен 1994 жылғы кондуктор Жезқазған ауруханасына жеткізілді. Өрт 19:40-та сөндірілді. Өрт аумағы – 12 шаршы метр.