Қырғыз Республикасының қазіргі президенті Алмазбек Атамбаев қызметінен кеткен соң немен айналысатынын айтты.
Бұл туралы Атамбаев сайлау учаскесінде журналистердің сұрақтарына берген жауабында айтты деп жазды қырғыз басылымдары.
“Негізі, шығармашылық пен саясатты бірге алып жүруге болады. Сіздер қорықпаңыздар, мен президент немесе премьер-министр болайын деп жатқан жоқпын. Осыған дейін де 30 жыл бойы саясатпен айналысқанмын, айналыса да беремін. Бірқа ол маған өлең жазуға не проза жазуға, тіпті ән салуға кедергі келтірген жоқ.
Мен өзімнің бірде-бір әрекетімнен қорықпаймын. Қырғызстанда қаламын, әрбір сөзім үшін, әрбір әрекетім үшін жауап беремін. Жасыратын ештеңем жоқ. Жасырынбаймын да. Халық алдында, Құдай алдында жауап беруге дайынмын”, – деді Қырғызстанның қазіргі президенті Алмазбек Атамбаев.
https://kaz.365info.kz/balesin-khara-atambaev-putin-medvedev-stsenariin-zhyzege-asyrmakh-pa-284448
Айта кетейік, 15-қазанда Қырғыз Республикасының президент сайлауы өтті. Сайлауға 11 үміткер қатысып, Сооронбай Жээнбеков көп дауысқа ие болды. Ол Атамбаев мүшесі болып табылатын партияның адамы.