“Жас ұлан” сарбаздары ел тәуелсіздігі мерейтойы құрметіне ерекше флеш-моб өткізді (фото)

“Мен өз Отаным — Қазақстанды сүйемін”, — деп ағынан жарылды ұлан Айбек Жарков. Қазіргі кезде мен “Жас ұлан” мектебінде білім алып жүрмін. Мен ертеңгі күніме сенімдімін. Сондықтан болашағымды жасай отырып, мемлекетке бір пайдамды тигізгім келеді. Біз – болашақ ұрпақ, мемлекетіміздің келешегі діттеген мақсатымызға қол жеткізу үшін барлық күш-жігерімізді саламыз”.

Осылайша, Қазақстанның түкпір-түкпірінде білім нәрімен сусындап жүрген жасұландықтар барша қазақстандықтарды құттықтап қана қоймай, сонымен бірге, Қазақстан Республикасы Тәуелсіздігінің 25 жылдығын атап өту қарсаңында казнетте бастау алған “#I_LOVE_KZ” флешмоб-акциясын қолдады.

Флешмобты танымал қазақстандық жұлдыздар, саясаткерлер мен қоғам қайраткерлері де қолдады. Бірнеше мыңдаған адам өздерінің парақшаларында Қазақстан Республикасының Мемлекеттік Туы аясындағы фотосуреттерді орналастырды. Қазақстандықтар да өз еліне деген сүйіспеншіліктерін білдіре отырып, желіде шағын мәтіндері мен роликтерін орналастыруда.