Жартылай жалаңаш қазақстандық қыздардың суреті Қазнетті шулатты (фото)
Қазақстандық фотомодельдерге мастер-класс жүргізген танымал еуропалық фотограф Ян Маклайнның ұйымдастырған фототүсірілім Қазнет қолданушыларының ашуын келтірді.
Бұл туралы nur.kz жазыпты.
Бар мәселе, Янның жалаңаш стильдегі суреттер түсіретін кәсіби маман екенінде болып тұр. Алайда, оны ескерместен, көптеген қазақстандықтар камераның алдында жалаңаштанған жерлестерінің суреттерін «ұят» деген жапсырмамен жауып, қыздардың арын қорғауға асықты.
«Әйел – отбасының ұйытқысы, ол өзін сақтау керек» деген ұғымды алға тарта отырып, Facebook қолданушылары аталмыш туындылар қазақ халқының намысына кір келтіреді дегенді айтты.
Алайда, жалаңаш қыздарды даттаушылардан бөлек жақтаушылар да табылды. Олардың айтуынша: “біреудің жеке өміріне қатысты не болса соны айта бергенше Қазақстандағы басқа да мәселелерді қозғау керек”
Сондай-ақ, пікір білдірушілердің арасында «Қыздардың денесін орамалмен жабатын «ұятменді» шақыру керек» деп өз ойын ирониямен жеткізгендер де бар.
Айта кетерлігі, Маклайнның камерасына іліккендердің қатарында танымал тележүргізуші Гүльнар Сильбаева мен актриса Жания Джуринская да бар екен. Бірақ, олар шешінуді жөн көрмеген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе