Қызылорда облысында жас мемлекеттік қызметшілер арасында тұңғыш рет қазақша КВН сайысы өтіпті.
Бұл жайында осы облыстағы Мемлекеттік қызмет істері және сыбайлас жемқорлыққа қарсы іс-қимыл департаментінің өзі хабарлады.
саясат, мемлекеттік қызмет тақырыбында қалжыңдасып, түрлі әзілдерімен көрермендерді күлдірді.
Қызылорда облысы Мемлекеттік қызмет істері және сыбайлас жемқорлыққа қарсы іс-қимыл департаменті басшысы Абзал Мұхимовтың айтуынша, мемлекеттік қызметте жүрген жастарды шығармашылыққа баулитын мұндай шаралар жиі ұйымдастырылып тұруы керек.
«Жас мемлекеттік қызметшілердің қағазбен ғана жұмыс істеп қоймай, өздерін сахна төрінде де көрсете алатынын дәлелдеу үшін қазақша КВН ұйымдастыруды жөн көрдік. Алда мұндай шаралар әлі де ұйымдастырылып тұрады», – деп уәде берді ол.
Айта кетсек, мемлекеттік қызметшілер арасында өткен Көңілді тапқырлар сайысына қатысқандардың басым көпшілігі Тәуелсіздіктің құрдастары болды.