“Жап-жас бала”. Арнайы жасақ қызметкері жұмыс орнында асылып қалған күйі табылды (фото)
Астанада қалалық ІІД арнайы жасағының аумағында жас қызметкер асылған күйі табылды, – деп хабарлайды Tengrinews.kz.
Қаза тапқан ер адамның 24 жастағы кіші сержант Медет Темірбаев екені белгілі болды. Қаза тапқан сержант Медет Темірбаевтың анасының айтуынша, ұлының мәйіті 8-наурызда табылған.
“1992 жылы дүниеге келген ұлым Темірбаев Медет арнайы жасақта қызмет етуді армандаған еді. Осыған бірнеше жыл бойы дайындалды, құжаттарды жинады. Армияда десанттық жасақта қызмет етті. Былтыр ғана осында жүргізуші болып жұмысқа кірген еді. Онда бар-жоғы 7 ай 10 күн жұмыс істеді”, – деді Темірбаевтың анасы Нүрия Жанаева.
“7-наурызда әдеттегідей жұмысқа кетті. Өзімен бірге түскі асын алып кетті, көңіл-күйі жақсы болатын. Сол күні маған екі рет қоңырау соққан еді, ол маған күніне бірнеше рет хабарласатын. Шамамен, кешкі сағат 8-дерде әйелімен сөйлесіп, сапарда жүргенін айтты. Содан ұлым кешкі сағат 9-да үйге келмей жатқан соң, уайымдай бастадым. Бірақ бір жағынан қызметінде кідіріп қалған шығар деп ойладым”, – дейді анасы.
Осы дерек бойынша сотқа дейінгі тергеу жүргізіліп жатыр. Бастапқыда жүргізілген тексеріс кезінде мәйітте ешқандай дене жарақаттары анықталмады.
“Қажетті сараптамалар тағайындалды. Сараптама нәтижелері бойынша процессуалдық шешім қабылданады”, – деді баспасөз қызметіндегілер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе