Маңғыстау облысының әкімі Ералы Тоғжанов Жаңаөзен қаласының тұрғындарына жаңа әкімді таныстырды.
Бұл туралы облыс әкімдігінің баспасөз қызметі хабарлады.
Баспасөз мәліметтеріне қарағанда, қалалық мәслихаттың шешімімен қала басшысы болып Әділбек Дауылбаев тағайындалды. Әділбек Құлынтайұлы бұған дейін Маңғыстау облысы Қарақия ауданының әкімі қызметін атқарған.
«Маңғыстау халқына мемлекеттік қызметте көп жылдық тәжірибесі бар білікті маман ретінде белгілі. Сондықтан бұл міндетті де абыроймен атқаратынына сеніміміз мол» деді, облыс әкімі Ералы Тоғжанов.
Дауылбаев Әділбек Құлынтайұлы 1964 жылы Маңғыстау облысы, Таушық ауылында туған. 1988 жылы Алматы қаласының құрылыс техникумын өнеркәсіптік-азаматтық құрылыс мамандығы бойынша тәмамдаған. 2004 жылы М.Тынышбаев атындағы Казақ Көлік және коммуникация академиясын бітірген, біліктілігі – инженер-құрылысшы. Еңбек жолын 1981 жылы Маңғыстау ауданы Шетпе селосында Маңғыстау тұрғын-үй пайдалану басқармасының жұмысшысы болып бастаған.