Қайрат Нұртас су жаңа “Мені бағала” атты бейнебаянының тұсауын кесті.
Бұл туралы Stan.kz хабарлайды.
Клип желісі бойынша Қайрат өзінің сүйікті жарына опасыздық жасайды. Өзге қыз-келіншектермен көңіл көтеріп, үйде тағатсыздана күтіп отырған сүйіктісінің қоңырауына жауап бермейді. Ал Қайрат қатесін түсінген кезде, сүйген жары одан кетіп қалады.
Айтар астары мол бейнебаян тыңдарман көңілінен шыққанға ұқсайды.
“Режиссура, идея, түсірілім, цветокоррекция – барлығы жоғары деңгейде”, “Жарайсыз, Қайраттай қазағымның жігіттері көп болсын”, “Қайраттың ең сәтті клипі”, “Өте керемет”, “Әдеттегідей өте жоғары деңгейде”, – деп бағалады тыңдармандар.
Айтпақшы, бейнебаянды Қайратқа “Zhuldyz Media” тарту ретінде түсіріп берген.
Қайраттың клипін Вк-дегі Атамның басы-ай тобының қолданушылары қызу талқылады.