2016 жылдың 18-қарашасында Жамбыл облысы бойынша Мемлекеттік кірістер департаментінде салтанатты және мерекелі жағдайда «Үздік салық төлеушісі» байқауының әр алуан номинациясының жеңімпаздарын марапаттау рәсімі өтті.
Марапаттау рәсіміне Жамбыл облысы әкімінің орынбасары – Тимур Жанке, Жамбыл облысының «Атамекен» ұлттық-кәсіпкерлер палатасының бөлім басшысы – Бағила Абдулдаева және жергілікті БАҚ өкілдері қатысты.
Байқаудың басты мақсаты – әр түрлі салада жұмыс атқаратын жеке кәсіпкерлер мен компаниялардың жетістіктерін атап өту, бизнесті адал, айқын және сауатты жүргізуге талпындыру. Жамбыл облысының экономикалық өсуіне ықпал етететін жеке кәсіпкерлер мен компаниялардың қызметіне жұртшылықтың назарын аудару.
Іріктеуге негіз болған, салық түсімінің тұрақты қарқыны, бюджетке салықтың және басқа да міндетті төлемдердің уақытында және толық төленуі, кәсіпкерлік субъектілердің салықтық міндеттерін шынайы орындауы себеп болды.
Байқаудың қорытындысы бойынша әр түрлі номинацияда үздік салық төлеушілері болып:
– жеке кәсіпкерлер арасынан – С.Полывода (Тараз қаласы), А.Амитов (Сарысу ауданы), К.Кенжебаев (Мойынқұм ауданы), П.Пономеренко (Тараз қаласы), Д.Пузиков (Қордай ауданы), А.Аубакирова (Мойынқұм ауданы), Б.Есдәулетов (Тараз қаласы), И.Закрияев (Шу ауданы) саналды.
– заңды тұлағалар ішінен – «Луговой жылқы зауыты» ЖШС (Т.Рысқұлов ауданы), “Kaz-Ir Agro” (Каз-Ир Агро) ЖШС (Шу ауданы), «Сауда-Сервис» ЖШС (Шу ауданы), «Амир және Д» ЖШС (Тараз қаласы), «Жамбылхимстройинженеринг» ЖШС (Тараз қаласы), Шу орталық аудандық ауруханасы (Шу ауданы), “Кнауф-Гипс-Тараз” ЖШС (Жамбыл ауданы) және «Орталық азия қант зауыты» ЖШС (Тараз қаласы) үздік салық төлеушілері ретінде танылды.