Жамбыл облысында танымал мафияның серкелері ұсталды
Жамбыл облысында қалааралық бағыттағы көлік жүргізушілерінен жүйелі түрде ақша бопсалап келген қылмыстық топ құрықталды.
Полиция жүргізген арнайы операция кезінде олардың алтауы қолға түскен, деп хабарлайды КТК.
Ішкі істер министірлігінің криминалдық полициясы ұйымдастырған арнайы операция бір мезетте қаланың бірнеше аумағында жүргізілген. Бірақ оның нақты қашан өткізілгені белгісіз. Ал мына кадрлар бүгін түс ауа тарай бастады. Онда арнайы жасақтың белгісіз бірнеше адамды тұтқындап жатқаны анық көрінеді.
“Ұйымдасқан қылмыстық топтың жылдық айналымы шамамен 10 млн. теңгеден астам. Ұсталғандардан ақша, жүргізушілерден жиналған қаражат жазбалары бар күнделіктер және тағы басқа заттар тәркіленді. Қазіргі уақытта ұсталғандар кінәларын толық мойындауда”, -ҚР ІІМ ресми өкілі Алмас Сәдубаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе