Жамбыл облысында фермер мен оның екі баласын өлтірген жұмысшысы болып шықты
Жамбыл облысы ішкі істер департаментінің жедел қызметкерлері фермерлік қожалықтың басшысы мен оның екі баласын өлтірген ер адамды бірнеше сағатта құрықтады.
Қанды оқиға Шу ауданы Далақайнар ауылына жақын жердегі фермада болған.
Оқиға орнына жеткен полиция қызметкерлері бастапқыда екі мәйітті ғана табады. Ер адамды аулада өлтіріп кеткен, қызының денесі үй ішінен табылды.
“Оқиға орнын тінтіп, басқа да тергеу шараларын атқару барысында үйден 150 метр жерде бұта арасынан тағы бір мәйіт табылды. Ол фермердің ұлының денесі екен”, — деп хабарлайды Жамбыл облысы ІІД.
42 жастағы күдікті бірнеше сағатта қолға түсті. Фермадан ұрлап кеткен мотоциклмен жүріпті. Тінту барысында шаруа қожалығы басшысының үйінен тонаған ақша, бағалы заттар мен басқа да дүниелер табылды.
Бұл оның үш кісіні өлтіргенін мойындауға жеткілікті болды. Қазір қылмыскер тергеу абақтысында отыр.
https://kaz.365info.kz/__trashed-28-327843
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе