Жәй, әншейін келгем! Эфиопиялық жүзгіш Риода мазақ болды

Рио Олимпиадасына Эфиопия деген елден келген жүзгіштің мына суреттері бүкіл әлемге тарап кетті. Іріктеу сынынан өте алмағанына спортшының өзі де, өзгелер де өкінбейді. Ол Олимпиадаға жәй, әншейін келе салған сияқты. Ел көрді, жер көрді…

Олимпиадаға тұңғыш рет қатысқан эфиопиялық Робел Кирос Хабте еркін әдіспен жүзу сайысындағы алғашқы іріктеу жарысында мәреге бірінші жеткен Доминикан елінің өкілінен бақандай 15 секундқа қалып қойды. Қашықтықты жүзіп өткен қарсыластары да, жанкүйерлер мен ұйымдастырушылар да қорытынды нәтижелерді білу үшін осы жігіт мәреге жүзіп жеткенше біраз күтіп қалды.