Неміс журналисі Эдда Шлагердің (Edda Schlager) мәлімдеуінше, ол Өзбекстанда ұсталып, еліне депортацияланды. Шлагер Өзбекстандағы президент сайлауы қарсаңында радиобағдарламаға аудиоматериал жинаумен айналысқан, деп хабарлады Deutsche Welle.
Фрилансердің айтуынша, өзбек билігі журналисті туристік визамен жұмыс істеді деп айыптады, кейін елге үш жылға кіргізбей қойды. Журналист өткен жұма күні ұсталған, сенбі күні ол Ташкенттен қазақстандық Алматыға ұшып кету керек болған. Неміс журналисі осы қалада тұрады.
Германияның СІМ-дегі дереккөздің хабарлауынша, “журналист Германияның Ташкенттегі елшілігінен консулдық қолдауға ие болған”, деп хабарлады AFP. Елшілік бұған қатысты пікір білдіруден бас тартты.
Өзбекстандағы президент сайлауы биыл 4 желтоқсанда өтеді.