Өзбекстанның вице-премьері Рустам Азимов бастаған ресми делегация Тәжікстанға барды. Онда олар сауда-экономикалық ынтымақтастық жөніндегі үкіметаралық комиссия отырысына қатысады.
Үкіметаралық отырыста тәжік тарабын елдің бірінші вице-премьері Давлатали Саид басқарады. 28-желтоқсанда Тәжікстан президенті өзбек делегациясының жетекшісі Рустам Азимовты қабылдайды.
2017 жылдың басында ресми Ташкенттің жоспары бойынша Душанбеде өндірістік көрме өткізбекші. Онда өзбек көлігінен бастап, азық-түлікке дейін қойылады. Көрме аясында бірінші тәжік-өзбек бизнес-форумы өтеді деп жоспарланған.
Сонымен бірге, Тәжікстан мен Өзбекстан таяу уақытта білім және мәдениет салаларында да ынтымақтастықты дамытпақшы. Бірінші қадам әр ел өздерінің жоғары оқу орындарында арнайы квота бөледі.