Өзбек билігі шаруалардың құқығын қорғаушыны босатты
63 жастағы адам құқығын қорғаушы Бобомурод Раззаков үш жыл түрмеде отырып шықты. Бұл туралы “Эзгулик” адам құқығын қорғау қоғамы хабарлады. Ұйым белсенділері Василя Иноятова мен Әбдірахман Ташанов оны 25 қазанда Таваксайдағы түрмеден күтіп алды.
Бобомурод Раззаков 25 қазанда түрмеден босатылды, ол түрме бақылаушысымен бірге Бұхараға кетті.
2013 жылы Раззаков кісі сатты деген айыппен 4 жылға сотталды. Раззаковтың өзі сотта бұл істі “қолдан жасалған” деп атады.
Қылмыстық іс материалы бойынша, сотталушы белгілі бір адамдарды Ресейге жіберіп отырған делінеді. Адам құқығын қорғаушылар Раззаковты саяси көзқарасы үшін қудалады деп есептейді.
“Эзгулик” қоғамының белсендісі Бобомурод Раззаков фермерлік шаруашылықпен айналысты, бұхаралық шаруалардың мүддесін қорғап, жергілікті биліктің заңсыз әрекеттерін әшкереледі.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз