Бурятияның астанасы Улан-Удэ қаласында сұмдық оқиға болды.
15 жастағы үш қыз бала аулада ішімдік ішіп, масайып алыпты. Содан кейін екеуі ескі реніштерін айтып, үшінші қызға тиісе бастапты. Ақыры оны қылқындырып өлтірген екен, деп жазады irk.kp.ru.
Денеден қалай құтыламыз деп ойланған екі қыз жағада ұзақ отырыпты. Ақыры еш шешімге келе алмай, мәйітті сол жерге тастап кетуді ұйғарған. Тек қалтасынан ұялы телефонын ала кетіпті.
Олар қазір ұсталды.
– Ол қыздар толық емес отбасының қыздары, еш жерде оқымайды. Өздері кәмелеттік жасқа толмаған әлеуметтік-сауықтыру орталығында жүрген кезінде танысқан, – делінеді полицияның баспасөз-хабарламасында.