Нұр-Сұлтан
Қазір
9
Ертең
14
USD
428
+1.05
EUR
510
-0.20
RUB
5.93
+0.04

“Ұяты білсін…”. “Сақалды апа” ағынан жарылды

898

Ол көңіліне қаяу түсіргендер Құдай алдында жауап берер деген үмітте екенін айтты, деп хабарлайды  “Замана” газеті.

Иран мемлекетінен тарайтын “fararu.com”, “khabarban.com”, “tadbіr24.іr” дейтін сайттар Сирия шекарасында орналасқан Әл-Бумал қаласында шабуыл кезінде лаңкестік ұйым басшыларының бірі өлді деп хабарлап, тұрбаттық Мұхтабар Тораеваның суретін қоса жариялаған. Осыдан кейін “сақалды апа” шетелдік басылымдарды сотқа беретінін айтқан болатын. Алайда араға біраз уақыт салып, ол бұл ойынан айнып қалған екен.

“Орыстар айтпақшы, “Проклятая популярность” деп отырған жайым бар.

Иран еліндегі сайттарда суретімнің шыққанын мектепте жұмыс істейтін келінім мен ұлымнан естідім.

Алғашқыда абдырап қалғаным бар. Бұл қалай болар екен деп уайымдадым. Бірақ кейін сабама түсе бастадым. Пенде болған соң бір қателік кеткен шығар. Осы нәрсеге бола жау шаптырып нем бар?” — деді ол.

Мұнымен қатар, Мұхтабар Тораева жақындарының шетелдік басылымды сотқа беруге кеңес бергенін айтып өтті. Десе де, өзі мұны қаламай отыр.

“Менің қандай адам екенімді және кім екенімді бәрі біледі. Құдай алдында арым мен жүрегім таза. Сол себепті айналамдағылардың “Сотқа берсеңіз болады, моральдық шығын талап етіңіз” деген сөздерін құлаққа ілмедім. Олар Құдай алдында жауап берер”, — деді Мухтабар Тораева.

Бұдан өзге кейуана шаңырағында шөбере дүниеге келіп, қуанышты жаңалыққа кенеліп отырғанын жеткізді.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз