Шығыс Қазақстан облысында басқа біреумен төсектес болып жатқан әйелінің үстінен түскен жергілікті тұрғын қолына пышақ алып, кек қайтарды.
Бұл туралы Tengrinews.kz хабарлады.
Тергеу материалдарында оқиғаның биыл ақпан айының басында болғаны айтылады. Риддер тұрғыны үйіне қонақ шақырып, таныстарымен мерекені тойлап жатқан. Барлығы бірігіп ішімдік ішкен. Бір мезетте үй иесі үйден шығып, қайта оралғанда әйелін үстел басынан таппай қалады.
Сот отырысы басталған кезде кекшіл күйеу осы іске өкінетінін айтып, кінәсін мойындаған. Ер адам зардап шегушінің шығындарын толығымен өз мойнына алған. Сот зардап шеккен ер адамның ерсі қылыққа барып, осы ашуды туғызғанын да есепке алды.
Риддер қалалық соты адам денсаулығына қасақана ауыр зиян келтіргені үшін ер адамның бас бостандығын 3 жылға шектеді.
Фото: иллюстрациялық сурет