“Үшеуі жабылып істеген”. Жамбыл тұрғыны қызының өліміне құдағиын айыптады

https://kaz.365info.kz/astanada-zhurnalist-kelinshekti-yryp-oltirgen-kydikti-ystaldy-333841

“Қайынсіңлісі үшеуі ғой жабылып істеп отырған. Олар бәрін тап-таза қылып отыр ғой. Менің қызым өз-өзіне жұмсайтындай оның күші де жоқ”, деді Гүлнұр Тұрдалының анасы.

Отбасылық жанжалдан зәрезап болған Гүлнұрдың төркінінде 10 күн жатып келгені анықталды. Сол оралған күннің ертесіне қайғылы жағдай болған. Бауыр еті баласынан айырылған ана енді ақиқатына жете алмай зар жылап жүр.

Құда болып, құйрық-бауыр асатқан қос тарап қазір бір-біріне өлердей өш. Көрген жерде жаға жыртысып, қырық пышақ болады. Бірақ Гүлнар Садырқұлова құдағиының таққан айыбы орынсыз дейді.

“Құдай алдында да, Құран да ұстайын, мен адалмын, жасыратыным жоқ. Бала-шағам да , өзім де адалмын”, деді Гүлнұр Тұрдалының енесі.

Гүлнар Садырқұлова сұмдық жағдайдың қалай болғанын өзі де анық  білмейді. Оның айтуынша, томаға тұйық келіні таңғы астан кейін үлкен үйге кіріп кеткен. Артынан іздеп барған қызы мен өзі оны жерде ес-түссіз жатқан жерінен көреді. Жанында пышақ болған. Дереу жедел жәрдем шақырмастан ауруханаға жеткізеді. Гүлнұр сол жерде жан тапсырған. Қазір осы жайтқа қатысты тергеу жүруде.

https://kaz.365info.kz/suretin-zhibergen-pavlodarda-bankir-zhigit-zhymbakh-zhagdajda-khajtys-boldy-333844

“Аталған дерек бойынша ҚР ҚК 105-бабы, 1-бөлігімен қылмыстық іс қозғалды. Қазіргі таңда сотқа дейінгі тегеу амалдары жүруде. Бірқатар сот-медициналық сараптамалар тағайындалды”, деді Жамбыл облыстық ІІД баспасөз хатшысы.

Марқұм кісі қолынан қаза тапты ма әлде суицид пе? Енді ол жағын тергеушілер анықтайтын болады.