Қырғыздар мен өзбектер жерге таласып жатыр
Қырғызстан және Өзбекстан президенттері Алмазбек Атамбаев пен Шавкат Мирзиёев шекараға қатысты мәселелердің барлығын 2017 жылы қаңтардың ортасына дейін пысықтауды тапсырды. Бұл туралы қырғыз президенті аппаратының сыртқы саясат бөлімінің жетекшісі Сапар Исаков мәлімдеді.
“Шекараны делимитациялау, демаркациялауға қатысты тиісті мемлекеттік органдар осы мәселелермен тиянақты шұғылданады. Қаңтардың ортасына дейін шекараны демаркациялау және делимитациялау жөніндегі бірнеше келіссөз өткізіледі”, – деді ол.
Еске салайық, Қырғызстан және Өзбекстанның шекараны делимитациялау және демаркациялау жөніндегі үкіметтік жұмыс топтары 2016 жылдың тамызынан бері бес кездесу өткізді. Мамандар топографиялық жұмыстарды бірлесіп атқарды. Қырғыз-өзбек шекарасындағы дау туғызбайтын бірқатар учаскілер келісілді.
Қырғыз-өзбек шекарасының жалпы ұзындығы 1378 шақырым, соның 320 шақырымы әлі анықталған жоқ. Соған байланысты түрлі шекара аймақтарында жанжал болып тұрды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз