“Ұмытпаймыз!”. Ресейде Немцовты еске алуға арналған марш өтті
Мәскеу мен басқа да ресейлік қалаларда осыдан екі жыл бұрын өлтірілген оппозициялық саясаткер Борис Немцовты еске алу маршы өтті.
Шеруге шыққандар Ресей астанасындағы Пушкин алаңына жиналып, одан соң Сахаров даңғылы бойымен жүріп өтті. “Белый счетчик” ұйымының соңғы мәліметі бойынша, акцияға 15 мыңға жуық адам қатысқан.
Еске алу акциясының ұйымдастыру комитетіне “Солидарность”, “Парнас”, Прогресс партиясы, “Яблоко”, “Открытая Россия”, “Партия 5 декабря”, Либертариандық партия, “Выбор России” және басқа да демократиялық күштер енді.
Оппозициялық саясаткер Борис Немцовты 2015 жылы 27 ақпанда Мәскеу орталығындағы Үлкен Москворецк көпірінде атып кетті. Тергеу мәліметі бойынша, қылмысқа тапсырыс берген “Север” батальонының бұрынғы офицері Руслан Мухудинов. Оған сырттай айып тағылды, ол 2015 жылдың қарашасынан бері халықаралық іздеуде жүр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе