Риддерде мас күйінде адам қағып өлтірген шенеуніктің көлігінде болды делінген Өскемен қаласының әкімі Қуат Тұмабаев тергеу аяқталғанша еңбекақысыз демалысқа кетті. Оқиғадан кейін арада екі айға жуық уақыт соң бой көрсеткен қала басшысы бүгін тосын мәлімдеме жасады.
Бұл туралы КТК арнасы хабарлайды.
Еске сала кетейік, 15 сәуір күні мас күйінде BMW Х5 автокөлігін тізгіндеген Риддер қаласы әкімінің орынбасары Бауыржан Құрманбаев жол жиегінде кетіп бара жатқан 19 жастағы Евгений Смольникті қағып кеткен. Қатты соққыдан Евгений жедел жәрдем жеткенше оқиға орнында жан тапсырды. Бауыржан Құрманбаев қазір қамауда отыр.
“Өз әрекетім арқылы куәгер ретінде қатысатын сот алдында қоғам тарапынан сын туғызғым келмейді. Сондықтан, осы аралықта жалақысыз еңбек демалысын алу туралы шешім қабылдадым.Тергеу аяқталғанша қызметте болмаймын.
Мен де шындықдың ашылуына мүдделімін”,- дейді Өскемен қаласаның әкімі.