Үлгілі жүргізушілерге көлік сақтандыру арзандай ма?
Қазақстанда автокөлік сақтандыруының бағасы өзгеруі мүмкін. Бұған «бонус-малус» жүйесінің жаңартылған ережелері себеп болып отыр.
Жаңадан алған жүргізушілерге сақтандыру қымбаттайды
Бұрын жүргізуші куәлігін енді алғандар 3-кластан бастаса, енді олар А класынан бастайды. Бұл коэффициент 1.8 деген сөз — сақтандыру құны екі есе қымбаттайды. Бұл талап мопед мінгендерге де қатысты.
13-класс бұрынғыдай ең арзан, ал М2-класс ең қымбат сақтандыру класы болып қалады. М2-класты жүргізуші 13-класпен салыстырғанда жеті есе көп төлейді.
Ереже бұзғандарға қатаң шаралар
Жол ережесін үш рет бұзған жүргізушілердің сақтандыру класы екі деңгейге төмендейді, ал полис бағасы көтеріледі.
Сол сияқты ауыр апатқа себепкер болғандар мен басқа өңірде апат жасағандар да жазаланады — олардың класы да төмендейді.
Мас күйдегі жүргізушілер үшін ең қымбат полис
Мас күйде көлік жүргізгендер немесе көлігін мас адамға бергендер М2-класқа түседі, бұл ең қымбат сақтандыру полисі саналады.
Үлгілі жүргізушілерге жеңілдік қарастырылған
Жол ережесін бұзбай, апатсыз жүргендерге сақтандыру бағасын төмендету ұсынылуда. Алайда бұл бастаманы сақтандыру компаниялары қолдай ма, әзірге белгісіз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе