“Үйге КамАЗ соғылды деп ойладым”. Ақтауда жарылыс болып, үйлер шайқалды (видео)
Әлеуметтік желіде Ақтау қаласы төңірегінде болған жарылыстан көкке көтерілген ақ түтекті түсірген видео пайда болды.
Видеодан әппақ түтінді байқауға болады. Ақтаудың төменгі аудандарындағы үйлер шайқалып, адамдар дүңк еткен қатты дыбысты анық естіген, деп жазады жергілікті “Лада” басылымы.
Сағат кешкі 20.00 кезінде Ақтаудың №3, 4, 7, 8, 9 шағын аудандары мен өндірістік аумақ тұрғындары қатты дүмпулерді сезінген. Әлеуметтік желідегі ақтаулықтардың пікірінше, үйлердің теңселуіне себеп болған қала сыртындағы жарылыс көрінеді.
“Мен үйге “КамАЗ” соғылған шығар деп ойладым, себебі бір сәттік болса да, үй қатты шайқалып кетті…”,
— деп жазады қоланушылардың бірі. Әлеуметтік желіде жарылыстан көкке көтерілген ақ түтектің бейнежазбасы жарияланған.
Маңғыстау облысы Төтенше жағдайлар жөніндегі департаменттің баспасөз қызметінің айтуынша, кезекшінің пультіне жарылыс туралы ешқандай хабар келіп түспеген. Ведомство болған істің мән-жайын анықтап, кейінірек пікір білдіруге уәде берді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе