ҚР ауыл шаруашылығы бірінші вице-министрі Қайрат Айтуғанов Үкімет отырысы барысында Қазақстандағы ветеринарлық қауіпсіздікпен қамтамасыз ету бойынша қабылданған шаралар туралы есеп берді.
Қайрат Айтуғанов жаз мезгіліндегі қауіпті аурулардың таралу себептерін талдау жұмыстары орталық пен өңірлер арасындағы үйлестіру жұмыстарының болмауынан екенін анықтағанын айтты.
Өзара іс-қимылдың аталған үлгісі оң нәтижелер көрсетті. Мысалға, 1 қарашадағы көрсеткіш бойынша адамдар мен жануарлардың бруцеллезбен ауыруы былтырғы жылдың ұқсас кезеңімен салыстырғанда 40 пайызға төмендеген. Зерттеулердің мерзімін қатаң сақтау мен ауру малдарды уақытылы союдың нәтижесінде жануарлар мен адамдардың ауруды әрі қарай қайта жұқтыруы шектелді.
Осы орайда осыған ұқсас тәжірибені жалғастырып, келесі жылға ұқсас жоспарларға қол қою ұсынылады.
Айта кетелік, бүгінгі Үкімет отырысы он-лайн трансляция арқылы берілді.