Варшавада НАТО-ға мүше елдердің саммиті басталды
НАТО-ның бас хатшысы Йенс Столтенберг, бейсенбі күні Польша президенті Анджей Дудамен бірге өткізген баспасөз мәслихатында, бүгін Варшавада басталатын НАТО-ға мүше елдер басшыларының саммитін “шешуші кездесу” деп атады.
“Әлем жыл өткен сайын қауіпті мекенге айналып барады. НАТО заманның сын-тегеуріндеріне тез әрі батыл жауап беріп келеді. Жұма және сенбі күндері біз ұжымдасып қорғануды, шекарамыздан тыс жерлердегі тұрақтылықты сақтауды және қауіптерді тежеуді әрі қарай жетілдіру үшін маңызды шешімдер қабылдаймыз. Сол шешімдер негізінде осы жерде – Польшада, бұған қоса Эстонияда, Латвия мен Литвада әскер күшейтіледі”, – деді НАТО-ның бас хатшысы.
“Бірақ бұның қашан жүзеге асатынын айту әзірге асығыстық болар еді. Менің айтқым келгені, біз ешқашан Ресеймен арадағы саяси диалогты тоқтатқан емеспіз. Одақтастар саяси деңгейде Ресей өкілдерімен кездесіп жүр, біз де Ресей – НАТО Кеңесін Ресеймен саяси диалог жүргізу үшін аса маңызды платформа ретінде қолдана береміз”
– деп мәлімдеді ол.
Столтенбергтің айтуынша, альянстың шығыс флангына бірнеше ел кіреді және одақтың бір мүшесіне жасалған шабуыл бүкіл одаққа шабуыл жасаумен пара-пар болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе