Алматы және қала маңындағы елді-мекендерде Универсиада қарсаңында тәртіпті қадағалауға қатысты профилактикалық алдын алу шаралары жүргізіледі.
2017 жылдың 6-25 қаңтары аралығында Алматы аумағы бір сүзгіден өтеді деп хабарлады Алматы қалалық Терроризммен күрес штабының баспасөз қызметі .
«Шет елден көптеген спортшылар мен қонақтар қатысатын дүниежүзілік спорт шарасы қарсаңында қауіпсіздік шараларын қамтамасыз ету – басты міндеттің бірі. Осыған байланысты, Универсиада қарсаңында Алматы қаласында және мегаполиспен шектесетін Алматы облысының бірқатар ауданында ауқымды жедел алдын-алу шарасын жүргізу жоспарланып отыр. Шараны өткізуге құқық қорғау органдарының көп күші жұмылдырылатын болады. Аталған шара аясында ішкі істер органдарында профилактикалық тіркеуде тұрған адамдардың тұрғылықты мекен-жайы тексеріледі. Сонымен қатар, аңшылық қаруы барлар мен қаруын қайта тіркеуге, сақтауға рұқсаты барлар да жоспарлы тексеруге кіреді», – деді Алматы қалалық Терроризммен күрес штабынан.