Украин ақыны: Маған салса, бір Назарбаев үшін біздің бес президентті бере салар ем
Украин ақыны, саяси және қоғам қайраткері Иван Драч өз еліндегі президенттерді Нұрсұлтан Назарбаевпен салыстырды.
Бұл туралы ойын ол “112 Украина” арнасындағы Дмитрий Гордонның авторлық бағдарламасында жайып салды. Ол өзіне салса,
Украинаның бес президентін бір Нұрсұлтан Назарбаев үшін бере салатынын айтты.
Бағдарламадағы сұхбат кезінде Украина сөз етілді. Драч “Народний рух України” қатарында қанша КГБ агенті, Вячеслав Чорновилді кім өлтірткенін, Қырымның аннексиясын тоқтатуға болатын ба еді, Донбасс қашан Украина құрамына кіретіні туралы айтты.
“Мен үшін Нұрсұлтан Назарбаев – өте тартымды тұлға. Латын әліпбиін енгізіп жатқандығын алсақ та. Бұл – тамаша. Мен оны көп уақыттан бері танимын. Ол Щербицкий кезінде Украинаға келген, екеуі де премьер болып тұрғанда. Мен орыс тілінде өтіп жатқан Министрлер Кабинетінің отырысына келдім, ойлап көріңізші. Назарбаев келді де украин тілінде сөйлей бастады. Осыдан кейін отырыстар украин тілінде өте бастады. Бұл Щербинский кезінде, мұны жай мысалға айтып отырмын.
Ал Қазақстанда Олжас Сүлейменовтен бастап, таныстарым көп. Мен бұл халықты өте сыйлаймын, тартымды, үнемі бір қозғалыста және басшыларымен де жолы болды. Мен барлық бес президентімізді Нұрсұлтан Әбішұлы үшін бере салатын едім (күлді)”, – дейді Драч бағдарламада.
Сұқбаттың мәтіндегі нұсқасын gordonua.com сайтынан оқуға болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе