UFC президенті Дана Уайт ирландиялық Конор МакГрегордың келесі қарсыласы ресейлік Хабиб Нурмагомедов болуы мүмкін екенін мәлімдеді.
“Қазір біз Ресейге көз тігіп отырмыз. Ресейде дарынды спортшылар көп. Онда бәріне танымал Хабиб Нурмагомедов те тұрады. Мүмкін Конордың келесі қарсыласы Хабиб болатын шығар”, – деп келтіреді Sherdog басылымы UFC президенті Дана Уайттың сөзін.
Айта кетейік, ресейлік боксшы Хабиб Нурмагомедов мансап жолындағы 24 жекпе-жегінің біреуінде де жеңіліске ұшырамаған. Сондай-ақ, қараша айында UFC президенті Макгрегордың келесі жекпе-жегінің мамыр айынан бұрын болмайтынын айтқан еді.
Дереккөз: kaz.tengrinews.kz