Сауль “Канело” Альвареспен жекпе-жек өткізіп, барлық белбеуінен айырылған Геннадий Головкин Қазақстанға оралды. Кеше ол Астанада “Барыс” — “ЦСКА” хоккей командаларының матчын тамашалапты.
Айта кетелік, қазақстандықтар да, Геннадий Головкиннің өзі де Мексикада өткен жекпе-жек қорытындысын мойындамайды. Төрешілер қастық жасады деп шулады Генаның фанаттары. Ал Головкин Альваресты реванш матчқа шақырған еді. Оның да күні белгіленіп қойды. Шешуші жекпе-жек алдағы көктемде болуы тиіс.
Міне, осыдай даудан соң Гена 2-қазанда Қазақстанға оралып, туған қаласы Қарағандыда болып қайтқан. Ал кеше ол Астанада өткен хоккейді тамашалады.
Атақты бокшының, қазақтың батыр ұлының көрермендер ортасында отырғанын хоккей ойынын хабарлап, жүргізуші айтып қалды. Сол бетте бүкіл стадиондағылар көзімен Генаны іздей бастады.Елдің назары өзіне бұрылғанын аңғарған Геннадий Головкин орнынан тұрып, қалың қауымға қол бұлғап, ризашылықпен иіліп сәлем берді. Көрермендер: “Гена! Гена!” деп боксшының атын ұрандатып, стадионды басына көтерді.
Бұл бір есте қалатын әсерлі сәт болды.
Ал хоккей матчы болса, 3:2 есебімен, “Барыс” командасының жеңілісімен аяқталды.
Бұл видеоны өз парақшасына жүктеген Гена:
„Жылы қарсы алған жұртыма мың алғыс, рахмет!„ деп жазба қалдырыпты.