Қазақстанның орталық сайлау комиссиясы мерзімінен бұрын өкілеттіктен бас тартқан депутаттар санына алаңдаулы.
Мерзімінен бұрын өкілеттіктен бас тартқан депутаттар саны биыл рекордтық көрсеткішке жетті, жүзден астам округте депутаттық орындар бос қалған, деп хабарлады ҚР Орталық сайлау комиссиясының баспасөз қызметі.
“Биыл өкілеттіктен мерзімінен бұрын бас тартқан депутаттар саны күрт өсті. Үш сайлау кампаниясы бойынша VI-рет шақырылған мәслихатта барлығы 192 округ босатылды”, — делінген хабарламада.
“Мәслихат депутаттарының өкілеттігін тоқтату үрдісі байқалады. Саяси партиялар осыған баса назар аударғаны жөн деп санаймыз. Себебі соның салдарынан депутаттық корпус сенімнен айрылып, үміткерлер сайлаушылар алдында бағдарламаларын орындамай қалуы мүмкін”, — деді сайлау комиссиясының басшысы Берік Имашев.