“Түбіне жетіпті ғой…”. Тамараны сүріндірген кім екенін білесіз бе?

Бірер жыл бұрын мен цифрландыру тетіктерін пайдаланып, өзін-өзі жұмыспен қамтитындарды заңдастыру жөнінде ұсыныс жолдаған едім.

Бұл жердегі бар мәселе «сен салар да мен салар, малға шөпті кім салар» демекші, мәселе шешудегі жауапкершілікті кім арқалайды?

Яғни, бюджеттік бағдарламаларды кім жүзеге асырады және басын саяси қауіп-қатерге кім тігеді? Егер бюджет бөлек ведомствода, ал қауіп-қатер сол еңбек министрлігінде болса — онда мәселені қиналмай шешуге болар еді. Сондықтан таяқтың үлкені Дүйсенованың шекесіне тиді, — дейді жағдайды түсіндірген саясаттанушы.

Ол жақсы министр еді

Экономист, «Talap» орталығының директоры Рақым Ошақбаев Тамара Дүйсенова туралы бүй дейді:

Рақым Ошақбаев

«…ол жақсы министр болды. Өз басым Тамара Дүйсенова жетекшілік еткен еңбек министрлігі мәліметтер базасында жоқ азаматтардың мәртебесін анықтап, айқындау бойынша қомақты жұмыс атқарды, деп ойлаймын. Өткен жылы еңбек министрлігі халық санағын жүзеге асырды.

Мәселен,

министрлік бес жарым миллион адамның мәліметтер базасында тіркелмегенін жариялады,

ал бұл, шындап келсек, экономика үшін өте маңызды ақпарат.

Министр және ол жетекшілік еткен ведомство батылдық танытып, осындай қомақты іс атқарды. Сондықтан мен олар бастаған іске үлкен құрметпен қараймын».

https://kaz.365info.kz/erasyldyn-erke-khyzy-khazakhtildi-halykh-zhana-ministr-turaly-ne-dejdi-301562

Оны шахтерлер құртты

Орталық Азиядағы демократияны дамыту қорының бас директоры, саяси ғылымдар кандидаты Толғанай Үмбетәлиева Ерасылдың қызы Әбілқасымованы тәжірибесі жоқ, жас маман дейді.

Толғанай Үмбетәлиева

– Тамара Дүйсенова өзін ісіне мығым, білікті, кәсіби маман ретінде көрсете білді. Әрине, бір жылдың ішінде әлеуметтік саладағы жағдайды шынайы өзгертіп, жылдар бойы қордаланып қалған мәселелерді шешу қиын. Қанша жерден кәсіби маман болсаң да бұл мүмкін емес.

Бірақ министр шахтерлердің бас көтеруі кезінде мемлекет өкілі ретінде елеулі саяси қате жіберіп, соның салдарынан лауазымымен қош айтысуға мәжбүр болды, деген болжам айта аламын.

Оның мәлімдемесі даулы жағдайдың шешілуіне ықпал етпей, керісінше, жағдайды ушықтырып, қоғамда кері, жағымсыз пікір туғызды. Сол сәтте министр шарасыздық танытып, жағдайды игере алмайтын адамның кейіпін танытты.

Президент үшін бұл сәтсіздікке пара пар. Өйткені бүгін мемлекет басшысы үшін кез-келген қайшылықты қоғаммен, халықпен бірлесіп шешкен маңызды. Ол мұны бірінші кезекте өзінің әр саладағы министр-менеджерлерінен күтеді, — дейді сарапшы.

Ал жаңа министр Әбілқасымованы сарапшы «әлі маңызды әрі күрделі мәселерді шешуде тәжірибесі жоқ, жас маман» ретінде сипаттады.

https://kaz.365info.kz/shykhsyn-efirge-kopbalaly-ana-dyjsenovany-zhekpe-zhekke-shakhyrdy-289767