Трамп Ресейге қарсы санкцияны жұмсарту бойынша істі бастап кетті
АҚШ-тың жаңа президенті Дональд Трамп 20-қаңтардағы инаугурациясынан кейін қандай кездесу өткізетінін жариялады.
Ол бірден америкалық барлау басшысымен жолықпақшы. Бұл мәлімдеме Ресейге қарсы жаңа санкцияның салынуынан соң жасалды деп хабарлайды Рейтер агенттігі.
„Біздің еліміздің және оның ұлы халқының мүддесі тұрғысында бұл жағдай туралы жаңа ақпараттар алу үшін барлау қызметі қауымдастығының басшысымен кездесемін„ деп мәлімдеді Трамп.
Бейсенбі күні АҚШ-тың Ресейдің алты азаматы мен бес ұйымына санкция енгізгені белгілі болған еді. Оған қоса, АҚШ 72 сағат ішінде Вашингтон мен Сан-Францискодан Ресейдің 35 дипломатын шығаруға және Мэриленд пен Нью-Йорктегі дипломатиялық өкілдіктерді жабуға ниетті. Вашингтон Мәскеудің сайлау процесіне араласып, америкалық дипломаттарға тізесін батырды деп айыптап отыр.
Бұл ретте америкалық барлау қызметі сайлау науқаны кезіндегі хакерлік шабуыл жөніндегі біріккен баяндаманы жариялаған болатын. АҚШ-тың Ұлттық қауіпсіздік министрлігі мен Федеральдық барлау бюросының сарапшылары АҚШ-та 2015 жылдың жазында және 2016 жылдың көктемінде тіркелген екі хакерлік шабуылды ресейлік барлау қызметінің екі тобы жүзеге асырған деген қорытындыға келді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе