Астанада куәгерлер “Хан Шатыр” сауда орталығында болған жағдайды видеоға түсіріп алды. Видеоға күзетшілердің ұрыны ұстаған сәті түсірілген, – деп хабарлайды Tengrinews.kz.
“26 тамызда ер адам сауда орталығындағы бутиктердің бірінен парфюм ұрламақшы болған. Бутиктің күзет қызметкерлері сауда орталығының күзетшілерімен біріге отырып ер адамның бұл әрекетіне тосқауыл болған. Видеода ер адамның ұсталған сәті түсірілген”, – делінген “Хан Шатыр” сауда орталығы әкімшілігіндегілердің сауалға берген жауабында.
Астана қалалық ІІД баспасөз қызметінің мәліметінше, астаналық 24 жастағы жігіт ұсталды. Ол бутиктердің бірінің витринасында тұрған парфюмді алып, сөмкесіне салған. Сол кезде сауда орталығынан шығып бара жатқан сәтте оны күзетшілер ұстаған.
“Ұрлық” бабы бойынша сотқа дейінгі тергеу жүріп жатыр. Заттай дәлелдер тәркіленді. Ер адамның осыған ұқсас басқа да қылмыстарға қатысы бар-жоғы анықталып жатыр”, – деп хабарлады қалалық ІІД баспасөз қызметіндегілер.