Нұр-Сұлтан
Қазір
0
Ертең
13
USD
426
0.00
EUR
495
0.00
RUB
5.98
0.00

Теңге тұрақты: бағам төмендеп жатыр және төмендей бермек — сарапшылар

133
фото: anleger.com

Қазақстан қаржыгерлерінің қауымдастығы қаржы нарығының кәсіби қатысушыларының кезекті сауалнамасының деректерін ұсынды.

Теңге әлсірейді. Бірақ кейінірек

Теңгенің долларға қатысты бағамы қазір айтарлықтай тұрақты. Соңғы апталарда ол 420 аймағында тұр. Жақын арада сарапшылар ерекше өзгерістер күтпейді. ҚҚҚ сауалнамасына сәйкес америкалық валюта құны бойынша орташа қысқа мерзімді болжам 419,64 теңге – олар ақпан айының басында бағам осындай болады деп болжап отыр.

Бірақ бұдан кейін валюта әлсірейді. Бір жылдан кейін Қазақстандағы доллардың құны 431,6 теңгені құрайды, яғни бір жыл ішінде ол шамамен 12 теңге қосады. Желтоқсан айында болжам біршама төмен болған еді — 429,7. Ал 2020 жылдың қаңтар айында тіпті 389,9 теңге деп болжанған. Сарапшылардың болжамы бойынша қазір америкалық валюта бағамы осындай болар еді.

Алайда, ол кезде COVID-19 әлемдік экономикаға қалай әсер ететінін елестете алмаған еді.

Мұнай экономиканы көтермелейді

Бір қызығы, доллар бағамы бойынша болжамның нашарлауы мұнай бағасына қатысты оптимизм аясында орын алуда. Егер желтоқсан айында сарапшылар 2020 жылдың соңына қарай Brent баррелінің құны 51,1 долларды құрайды десе, бір айдан кейін болжам 57,6 долларға дейін өсті.

Бұл соңғы 11 айдағы ең жоғары баға, ал

респонденттер 2019 жылдың басынан бері мұнайға тұңғыш рет бұлай “сеніп отыр”.

Мұнай бағасының өсуіне деген сенімнің салдарының бірі — экономикаға қатысты оптимистік болжамдар. 12 айға жаңа баға – 2,7%. Бір ай бұрын ол біршама аз болды – 2,5%. Жалпы алғанда, ЖІӨ-нің өсуіне қатысты оптимизм 8 ай қатарынан артып келеді — 2020 жылдың маусымынан бастап сарапшылар жоғары болжамдар беруде.

Инфляция қазіргіден төмен

2020 жылдың қорытындысы бойынша тауарлар мен қызметтердің бағасы 7,5%-ға өсті — бұл соңғы 4 жылдағы ең жоғары көрсеткіш. Келесі 12 айда сарапшылар инфляцияны 7,1% деңгейінде болжайды. Алайда, бір ай бұрын ҚҚҚ респонденттерінің орташа болжамы 6,9% құрады.

Айта кетейік, 1-12 қаңтар аралығында Қазақстанда әлеуметтік маңызы бар азық-түлік тауарларының құны 0,9%- ға өсті. Мысалы, жұмыртқа 3,3%-ға, картоп 3,6%-ға, сәбіз 2,1%-ға қымбаттады.

Базалық мөлшерлеме төмендейді

Қазір базалық мөлшерлеменің мөлшері 9%-ды құрайды. Мүмкін болатын өзгерістер туралы шешім қабылданатын Ұлттық Банктің келесі отырысы 25 қаңтарда өтеді. ҚҚҚ сұхбат берген респонденттердің 100%-ы ештеңе өзгермейді деп санайды.

Ал бір жылдан кейін базалық мөлшерлеме мөлшері, сарапшылардың пікірінше, 8,75%-ды құрауы мүмкін. Дәл осындай болжам бір ай бұрын болған. Яғни, қаржы нарығының кәсіби қатысушылары алдағы жылы Ұлттық Банк ақша-кредит саясатын сәл де болса жұмсартады деп үміттенеді.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз