Нұр-Сұлтан
Қазір
-5
Ертең
7
USD
433
+0.41
EUR
506
-1.77
RUB
5.47
+0.02

Теңге бағамы: доллардан әлсіз, бірақ рубльден күштірек

Сурет: voicesevas.ru

Қазақстанда 29 қыркүйектегі доллардың ресми бағамы 428 теңге, 35 тиын деңгейінде қалыптасты. Дүйсенбіде америкалық валюта бес айға жуық бұрынғы максимумын жаңартты. Соңғы рет доллар 30 сәуірде қымбаттаған еді, ол кезде ресми бағам 429,41 теңгеге дейін көтерілді.

Айта кетейік,

доллар бағасы қатарынан 6 сауда күнінде өсіп келеді

21 қыркүйектен бастап ол күн сайын орта есеппен 1,27 теңгеден 7,59 теңгеге дейін қымбаттады.

Ұлттық Банкте теңгенің әлсіреуіне қатысты түсініктеме берді. 28 қыркүйекте реттеушінің сайтында Ұлттық банктің Монетарлық операцияларының директоры Нұржан Тұрсынхановтың түсініктемесі шықты.

Қазақстанда барлығына бірдей жұмыс орны жоқ: дақпырт па әлде шындық па?

«Бүгін ұлттық валютаның әлсірегенін байқадық, бұл, ең алдымен, әлемдік нарықтардағы АҚШ долларының нығаюына байланысты.

АҚШ долларының индексі екі айлық шыңға жетті, ол коронавирустың екінші толқыны, сондай-ақ алдағы АҚШ президенттік сайлауы туралы алаңдаушылықтың күшеюі аясында негізгі әлемдік валюталардың қоржынына қарсы күшейе түсті.

ХВҚ өкілдерінің айтуынша, коронавирус пандемиясына байланысты дағдарыс ұзаққа созылады және кейбір елдердің бірнеше жылдан кейін ғана экономикасын қалпына келтіреді. Коронавирустың екінші толқынына қатысты Еуропадағы алаңдаушылық және шектеу шаралары доллардың қымбаттауына әсер етеді», — деді спикер.

Доллар индексінің өсуі мұнай бағасының төмендеуіне себеп болды. Бейсенбі және жұма күндері сауда-саттықта мұнай котировкаларының әлсіз қалпына келуіне қарамастан, «қара алтын» бағасының апталық тренді минус 2,9% көрсетіп, теріс мәнде қалып отыр. Оның үстіне

COVID-19-дың қайта таралу қаупі туындаған жағдайда мұнайға сұраныстың артуы  күмәнді болып қала береді

«Дамушы елдер валюталарының жалпы қозғалысы және мұнайға сұраныстың қалпына келуіне қатысты белгісіздік жағдайында теңге бағамы іргелі сыртқы факторлардың динамикасына сәйкес қалыптасады», — деп қорытындылады Нұржан Тұрсынханов.

Рубль шарықтау шыңында

Айта кетейік, теңге әлсіреген жалғыз валюта емес. Дамушы елдердің ұлттық валюталарының құны төмендеді. Оның ішінде Ресей рублі де бар. Мәскеу биржасының сауда-саттығында еуро бағамы 92 рубль белгісінен өтті. Ол соңғы 4,5 жылда, 2016 жылдың 18 қаңтарынан бастап соншалықты қымбаттамаған еді.

Негізгі сессияның соңында доллардың биржалық бағамы 79 рубльден жоғары болды, ал сауда-саттық кезінде ол 79,2 рубльге дейін көтерілді. Бұл сәуір айынан бері қарайғы ең жоғарғы деңгей. Қыркүйек айының ортасынан бастап ресей нарығындағы жетекші әлемдік валюталардың бағамы 4 рубльге қымбаттады, бірақ Кремль халықты алаңдамауға шақырады:

«Рубль әлсірегеннен кейін  қалпына келетін кезең басталады. Бірақ оның қанша уақыттың ішінде болатыны басқа бір мәселе. Бұл нарықтық құбылмалылық, сондықтан рубльдің позициясы қалпына келетініне күмән жоқ», — деді Ресей президентінің баспасөз хатшысы Дмитрий Песков.

Рубль теңгеге қарағанда тез құнсызданды, бұл Қазақстандағы Ресей валютасының құнына әсер етеді. 29 қыркүйекте оның ресми құны 5,44 теңгені құрайды. Соңғы рет 13 наурызда 5,31 теңге болған. Бірақ бұл теңге бағамының тұрақсыздығы аясындағы бір реттік төмендеу болды.

Бұған дейін рубльдің ресми бағамы 2018 жылдың желтоқсан айының соңында төмен болды (5,41 теңге). Нәтижесінде, қазір

ресми түрде қазір Ресей валютасының құны соңғы 22 айдағы ең төменгі деңгейде

Еуро ең тұрақты валюта болып қала береді. Ұлттық Банктің мәліметтері бойынша,

Еуропалық валюта 18 қыркүйектен бастап 496-500 теңге дәлізде тұрақтап, жоғарғы шекараға жетпей тұр

29 қыркүйеккегі ресми құны 499,41 теңгені құрады – бұл алдыңғы тәуліктен 3 теңгеге артық. Мұндай тербелістер жиі болып тұрады. Мысалы, соңғы айда күндізгі тербелістер үш есе жоғары болды.

  • 29 тамызда 3,5 теңгеге өсім тіркелді
  • 3 қыркүйек 5,78 теңгеге төмендеу
  • 18 қыркүйекте 5,37 теңгеге төмендеді.
Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз