Теміртауда медбике көргенсіз қылығы үшін жұмысынан айырылды
Теміртауда жекеменшік емхананың қызметкері кәсібіне нұқсан келтіргені үшін жұмысынан қуылды.
Бұл туралы Қарағанды облысы денсаулық сақтау басқармасына сілтеме жасап, Tengrinews.kz хабарлады.
“Қарағанды облысы денсаулық сақтау басқармасы бұл оқиға орын алған Теміртау қаласындағы Авиценна жекеменшік емханасының басшысын шақырып, сөйлесті, мән-жайды анықтады. Емхана басшысына ол жұмысшыны жұмыстан шығаруға кеңес берілді„ – деді Қарағанды облысы денсаулық сақтау басқармасы баспасөз қызметінің басшысы Айжан Иса.
Еске сала кетелік, Қарағанды облысында медбике науқасқа ортаңғы саусағын – Fuck You көрсеткен. Теміртау қаласының тұрғыны емхана қызметкерінен көзіндегі қара көзілдірікті шешуді талап еткен. Ол оған дөрекі түрде ыммен жауап қатқан. Мұны науқас телефонға түсіріп үлгеріп, әлеуметтік желіге салып жіберген. Енді емхана қызметкері суретті әлеуметтік желіге салған қыздың үстінен арызданбақ.
Ал қыз болса, одан емхана меңгерушісін шақыруды сұраған, бірақ ол оған мүлде құлақ аспаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе