Теміртауда 2 жасар сәбиді ұрлаған күтуші ұсталды
Полицейлер сәбиді ұрлаған 22 жастағы жас бала күтушісін ұстады.
Бұл туралы Қарағанды облыстық ішкі істер департаментінің баспасөз қызметі хабарлады.
Ведомство мәліметінше, 26 наурыз күні кешке полицияға Теміртау қаласының 22 жастағы тұрғыны хабарласып, екі жасар сәбиін бала күтушісі ұрлап кеткенін мәлімдеген. Жедел іздеу шаралары нәтижесінде күдікті Астана қаласында табылып ұсталды.
“Ол өзін “мама” деп атаған сәбиді жақсы көріп кеткенін мойындады. Аналық сезімге бөленгісі келгенін, біраз уақыттан соң баланы анасына қайтарып бермекші болғанын айтты”, — делінген хабарламада.
Аталған дерек бойынша ҚР Қылмыстық кодекстің 125-бабы, 2-бөлігі бойынша қылмыстық іс қозғалды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз