“Телефоным, аяқ-киімім қайда?”. Өскеменде осылай ұрсысқан ер адам әйелін пышақтап тастады
Шығыс Қазақстан облысында ер адам азаматтық некедегі бұрынғы әйелін пышақтап тастаған.
Қылмыскер әйел адамға 20 рет пышақ салған, – деп хабарлайды YK-news.kz.
Сотта әйелдің қызы айыпталушының бұрын да анасына зорлық-зомбылық көрсеткенін, алайда, учаскелік полицей еш шара қолданбағанын айтты. Күйеуі есірткі қабылдап, ішімдікке әуес болғандықтан, әйел одан кетіп қалған. Осыдан кейін ер адам бұрынғы әйелінің үйіне басып кіріп, қызының тойтерьер тұқымды итін алып кеткен. Мұндай оқиға бірнеше рет қайталанған, ол есікті сындырып, бірнеше рет жанжал шығарған.
Жанжал кезінде әйел көмекке шақырып үлгерген. Ауруханаға жеткізілгеннен кейін ол көз жұмады. Шығыс Қазақстан облысының ауданаралық арнайы соты ер адамды 15 жылға бас бостандығынан айырды. Ол жазасын қатаң тәртіптегі колонияда өтейді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе