Мұнай экспорттаушы елдер ұйымы (OPEC) мен мұнай өндіруші елдер (картель мүшелері емес) сенбі күні 15 жыл ішінде бірінші рет 2017 жылдан бастап шикізат өндіруді қысқарту жөніндегі келісімге қол қойды.
Венада өткен шұғыл жиында Ресей күнделікті мұнай өндіруді 300 мың баррельге, Мексика – 100 мың, Әзірбайжан – 35 мың, Оман – 40 мың және Қазақстан 20 мың баррельге қысқартуға келісті.
Екі апта бұрын OPEC 8 жыл ішінде бірінші рет мұнай өндіруді күніне 1 миллион 200 мың баррельге қысқартуға шешім қабылдады.
Екі жыл көлемінде мұнайдың әлемдік бағасы өте төмен болды. Бұл көптеген елдердің бюджетіне кері әсерін тигізді. Тіптен кейбір елдерде әлеуметтік наразылық күшейді.