Татуировка салдырған жүкті әйел сәбиінен айырылып, өзі мүгедек болып қалды

Небәрі 16 жастағы қыз татуировка салдырам деп ауруға айналды. Құрсағындағы сәбиінен айырылды.

Колумбиялық Луиз Фернанда татуровка салдырам деп сәбиіне айырылып, өзі мүгедек болып қалды. Ол жүкті кезінде омырауына тату салдырады. Одан денесіне инфекция жұғып, бактериялар арқа сүйегіне өтіп кетеді. Соның салдарынан аяғы істемей қалады.

Ауруға қарсы тұру үшін бойжеткен дәрілер ішіп емделді. Бұл кездерде күйзеліске түсіп қиналды. Осының кесірінен құрсағындағы сәбиінен айырылды.

Бүгінде достары қаражат жинап, бойжеткеннің емделуін қолға алуда. Луиз Фернанданың өзі бұл әрекетінің өзгелерге сабақ болғанын қалайды.