Таразда түннен бері жел соғып жатыр.
Облыс орталығында кеше қатты жауын-шашын болып, түнгі уақытта тоқтаған. Алайда таңға қарай жел соға бастаған деп хабарлады Тengrinews.kz.
Қалада бірнеше ағаштар құлаған. Қарағаш құлап, Абай көшесіндегі қозғалысты тоқтатқан.
Қаланың кейбір жерлерінде жарық өшіп қалған. Кейбір бағдаршамдар да жұмыс істемей тұр.
Қазіргі уақытта облыс орталығында бірнеше бригада жұмыс істеп жатыр. Олар жол бойында жатқан ағаштарды алып тастап жатыр. Дауыл әлі соғып тұр.
“13-сәуірде қатты жауын-шашынға байланысты Жамбыл облысындағы өзендерде қар мен жаңбыр суы тасып, су басуы мүмкін”, – делінген еді хабарламада.