Таразда әскери қызметкерді боқтаған жауынгер қамауға алынып, абақтыға жіберілді
Тараз қаласындағы әскери бөлімнің жауынгері заңсыз қарым-қатынас көрсеткені үшін қамауға алынып, әскерилерді қамауда ұстайтын күзет мекемесіне жіберілді, деп хабарлайды Stan.kz ақпараттық агенттігі Жамбыл облыстық сотының баспасөз қызметіне сілтеп.
5513 әскери бөлімінде мерзімді әскери қызметкер келісімшарт бойынша қызмет етіп жүрген жауынгерді иығына иығы тиіп кеткені үшін оны балағаттап, әдепсіз сөздер айтқан. Соған байланысты Қазақстан Республикасының әскери қызметтегі заңнамасында болашақта осындай бұзушылықтарды болдырмау мақсатында әскери бөлімге бару арқылы сот басшылығы мен әскери қызметкерлердің қатысуымен сот отырысы өткізілді.
Отырыс барысында сот Қазақстан ратификациялаған азаматтық және саяси құқықтар туралы халықаралық пактінің 9-бабының ережелерін басшылыққа ала отырып, заң бұзушыға қамауға алу түрінде әкімшілік жаза қолдануды қажет деп тапты.
Сот шешімі бойынша, жауынгер кінәлі деп танылып, Шымкент гарнизонының әскери полиция басқармасы күзетіне жеткізілген сәттен бастап 5 күнге қамауға алынды. Сот шешімі шығарылған сәттен бастап күшіне енді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе